مدونه الطبقه الراقيه

وإحنا لسه في ابتدائي
وسط أوراقى القديمة
اللى لسه منها باقى
شوفت صورتى بين ز مايلي
و أحنا لسه فى إبتدائي
... الوشوش كانت بسيطة
طاهرة لكن مش عبيطه
نرسم الأحلام خريطة
فى قلبها نقطة تلاقي
هو صاحبى
لما كان فى الدنيا صاحب
أما دول كانو من جيرانى
فينا حقق جزء من بعض الأمانى كل واحد
أما دى الشاطرة البليدة
العنيدة الضفاير أم
تبقى حبى الأولانى
أد إيه حزنت عليها
لما راحت فصل تاني
ما أحنا كنا تخته واحده
فى تانيه تالت
مره قلت
و هى قالت
لما مدت أيدها شالت
دمعة وقعت غصب عنى
جوه كراسة الحساب
كنا لسه صفحه بيضه فى الكتاب
الوشوش كانت بسيطه
طاهرة لكن مش عبيطه
نرسم الأحلام خريطة
فى قلبها نقطة تلاقى
وأحنا لسه فى أبتدائي

لــ على سلامة

بقلم محمود النجار

اعشق المدونات وإفاده الأخرين وأحببت إنشاء هذه المدونة لاضع فيها كل ما أستطيع افادتكم عن طريقه من دروس ومواضيع حتى نبني مجتمع عربى مثقف متحضر ونصل الى إسم المدونه وهوا الطبقه الراقيه بعلمها وثقافتها